Asesoramento
Como integradora de servizos educativos, aproveita o asesoramento baseado nos mais de 12 anos de experiencia acompañando proxectos educativos na comunidade de Galicia.
Se tes un novo proxecto para a túa aula ou o teu centro axudámosche e asesoramos para que se leve a cabo con éxito.
Xa sexa un proxecto de novas tecnoloxías, transformación de espazos de aulas, reestruturación de ambientes, cambios metodolóxicos, organizativos…
Cóntanos a túa idea!
Todo o equipo de profesionais que colabora con Dismedia axuntarán forzas, experiencia e coñecementos para realizalo con éxito.
Formación e obradoiros
Fórmate ou deseña unha formación para o claustro do teu centro. Desfruta do acompañamento de especialistas nos teus proxectos. Goza de obradoiros creativos e innovadores e aumenta as habilidades do teu alumnado para unha aprendizaxe innovadora e creativa.
As nosas formacións combinan contidos teóricos e prácticos, con especial relevancia destes últimos. Mediante grupos cooperativos ou de forma individual, os/as asistentes aos cursos aproximaranse a distintos niveis de profundización e á súa implantación na aula.
Para iso, serán titorizados e asesorados en todo momento polo noso equipo pedagóxico.
Deseño de espazos
Renova a contorna de aprendizaxe da túa aula, o teu espazo ou o teu centro educativo: Aulas, bibliotecas, patios verdes, espazos creativos, …
Ofrecemos servizos de deseño de espazos educativos enfocados na innovación pedagóxica. Isto inclúe a renovación de aulas, interiores e exteriores de centros educativos e outras contornas de aprendizaxe, co obxectivo de crear ambientes que faciliten un ensino máis creativo e adaptada ás necesidades actuais. O equipo de Dismedia traballa en conxunto con educadores para transformar estes espazos en lugares que promovan a experimentación e a aprendizaxe activa, integrando tecnoloxía e deseño educativo.
Equipamento, instalación e mantemento
As túas necesidades completamente cubertas co noso abanico de produtos: audiovisuais, informática, impresión, robótica, xogos de mesa…
Instalamos no teu centro os equipos necesarios para adaptarse ao teu proxecto e ademais axudámoste a mantelos e alongar a súa vida útil.
Tras unha visita inicial e o noso asesoramento especializado comprometémonos a realizar os traballos de forma profesional e flexible, adaptándonos ás necesidades e requirimentos do centro:
- Implementación de solucións multimedia
- Audiovisuais
- Redes
- Telecomunicacións
- Videoproxección
- Videoconferencia
- Transformación de espazos
- Iluminación
- Impresión
